Take a fresh look at your lifestyle.

አብዲ ኢሌ በ24 ሰዓት ውስጥ በሰላም እጁን እንዲሰጥ በመከላከያ ኤታማዦር ሹሙ ጄኔራል ሳዕረ በኩል ተጠይቆ ነበር ተባለ

የሶማሌ ክልል ፕሬዚዳንት አብዲ መሃመድ(አብዲ ኢሌ) ባይረጋገጥም በመከላከያ ሰራዊት ቁጥጥር ስር መዋሉ እየተገለጸ ነው።በክልሉ ጅጅጋን ጨምሮ በተለያዩ ከተሞች አለመረጋጋት መስፈኑም እየተነገረ ነው።ቤተክርስቲያናት፣ባንኮች፣የንግድ ድርጅቶች፣የግለሰብ መኖሪያ ቤቶች ሲቪል በለበሱ የፀጥታ ሀይሎች(የክልሉ) እየተቃጠሉና እየተዘረፉ ነው።ጎሳን(ብሔር) መሰረት ያደረገ ጥቃትም እየተፈጸመ ነው ተብሏል።

የኢብዲ ኢሌን መያዝ አስመልክቶ ታዋቂው ጋዜጠኛ አለምነው ዋሴ የሚከተለውን ብሏል።

“ተረጋግጧል!ጀግናው የኢትዮጵያ መከላከያ ሰራዊት የራሱን ስልጣን ለማስጠበቅ ሲል ኢትዮጵያ ሱማሌንና ህዝቧን በህገወጥ መንገድ ለማስገንጠል ሴራ ሲጎነጉን የነበረውን አብዱ ኢሌን በፅኑ ክንዱ ማረከ።በፍቅር፣በይቅርባይነትና በመደመር በጎ መንፈስ ላይ የተመሰረተው የጠቅላይ ሚኒስትር ዶ/ር ዐቢይ አህመድ መንግስት በሀገር ህልውና ጉዳይ ምን ይህል ጥርስ እንዳለው ያሳየበት እርምጃ ሆኗል።የህግን ጥሬ ቃል ከእውንተኛ መንፈሱ እየገነጠሉ ለራሳቸው ጥቅም የሀገርን ህልውና መያዣ ለማድረግ ለሚያስቡ የሹም ዶሮዎች ይህ የዛሬው ወታደራዊ እርምጃ ጠንካራ ማስጠንቀቂያ ነው።ዘገባዎች እንደ ሚሉት ኤታማዦር ሹም ባለአራት-ኮከብ ጄኔራል ሳእረ መኮንን–ዛሬ የጦራቸው እጅ ውስጥ ለወደቀው አብዲ ኢሌ “ወደህ በፍቃድህ እጅህን እንድትሰጥ የ24 ሰዓት ዕድሜ ሰጥቼሀለው “ብለውት ነበር ትናንት።ሳይሰጥ ቀረ፤በኅይል ተያዘ።”

Leave A Reply

Your email address will not be published.