Take a fresh look at your lifestyle.

ጠቅላይ ሚኒስትር አብይ አህመድን ከስልጣን ለማስወገድ ተቀሳቅሰዋል የተባሉ ሦስት አምባሳደሮች ወደ ሀገር ቤት ሊጠሩ ነው ተባለ

አህመድ  አስተዳደር ላይ አሲረዋል የተባሉ ሦስት አምባሳደሮች ወደ ሀገር ቤት ሊጠሩ መሆኑን  ሰንደቅ ጋዜጣ ምንጮቹን ጠቅሶ ዘግቧል።

ከእነዚህም መካከል በተባበሩት መንግስታት የኢትዮጵያ ቋሚ መልክተኛ አምባሳደር ዶ/ር ተቀዳ አለሙ፤ በካናዳ የኢትዮጵያ አምባሳደር ወ/ሮ አስቴር ማሞና በአሜሪካ የኢትዮጵያ አምባሳደር አቶ ካሳ ተክለብርሃን መሆናቸው ታውቋል።

በኢትዮጵያ የተነሳውን ህዝባዊ አመፅ ተከትሎ ከሁለት ወራት በፊት የኢትዮጵያ ጠቅላይ ሚኒስትር ሆነው የተሾሙትን ዶ/ር አብይ አህመድን ከስልጣን ለማስወገድ መቀሳቀሳቸውንም ጋዜጣው ጨምሮ ዘግቧል።

ወ/ሮ አስቴር ማሞ ኪራይ አንዳንድ የኦሕዴድ አባሎችን በማንቀሳቀስ፤ አቶ ካሳ ተክለብርሃን ጠቅላይ ሚኒስትሩ ከጠላቶቻችን ጋር አብሮ እየሰሩ ነው በማለት በአደባባይ በመክሰስና ዶክተር ተቀዳ ዓለሙ ለውጡን በመቃወም ሕገወጥ እንቅስቃሴ በማድረጋቸው ተጠርጥረው ወደ ሀገር ቤት እንዲጠሩ ውሳኔ ላይ መደረሱ ታውቋል።

በተያያዘ ዜናም፤ በቅርቡ የፌደራል ፖሊስ ኮሚሽን ኮሚሽነር ሆነው የተሾሙት አቶ ያሬድ ዘሪሁን ባጋጠማቸው የጤና ችግር ምክንያት ለኢፌዲሪ ጠቅላይ ሚኒስትር በግል ያቀረቡት የሥራ መልቀቂያ ጥያቄ ተቀባይነት በማግኘቱ በምትካቸው አቶ ዘይኑ ጀማል የፌደራል ፖሊስ ኮሚሽን ኮሚሽነር ጀነራል ሆነው መሾማቸው ይታወሳል።

Leave A Reply

Your email address will not be published.