Take a fresh look at your lifestyle.

ደራሲው አቤ ጉበኛ (Abe Gubegna)ማን ነው ?

አቤ ጉበኛ በባህርዳር አቸፈር ወረዳ ውስጥ ሰኔ 25 ቀን 1933 ዓ.ም. ተወለድ:: አቤ በልጅነታቸው የቄስ ትምህርት ንባብ፣ ዜማ፣አቋቋምና ቅኔን ከተማሩ በኋላ የአንደኛ ደረጃ ትምህርታቸውን በባህርዳር ሁለተኛ ደረጃ ደሞ በአዲስ አበባ ተምተዋል:: ለተወሰነ ጊዜ በማስታወቂያ ሚኒስቴር እና በጤና ጥበቃ ሚኒስቴር በጋዜጠኝነት ካገለገሉ በኋላ ስራቸውን አቋርጠው ወደድርሰት ሙያ ተዘዋወሩ::

ሁለገብ ደራሲ አቤ አጫጭር እና እረጃጅም ልቦለዶችን፣ ተውኔቶችን፣ ግጥሞችን እና ወጎችን ይጽፉ የነበረ ሲሆን ጭብጦች እንደ ጭቆና፣ ሙስና፣መሀይምነት እና ማህበራዊ ኑሮ ላይ ያተኮሩ ነበር:: በመሆኑም በግዜው ከነበሩት ባለስልጣናት ጋር ተቃውሞም ፈጥሮባቸው እስከ እስር ደርሰው ነበር::

ደራሲ አቤ ወደ 20 መጸሃፎችን ያሳተሙ ሲሆን የ1966 “አልወለድም” በቀዳሚነት የሚጠቀስ ስራቸው ነበር:: “አንድ ለናቱ” የሚባለው ታሪካዊ ልቦለድ ስራቸው ደሞ በቴዎድሮስ ዙሪያ ሆኖ የዘመነ መሣፍንትንም የእርስ በእርስ ውጊያ የሚያሳይ በጥናት ላይ የተደገፈ ታላቅ ጽሁፍ ነው::

ደራሲ አቤ በወቅቱ የሰዓት እላፊ በነበረበት ወቅት በለሊት ሲንቀሳቀሱ በጥይት ተመተው ጥር 30 ቀን 1972 ዓ.ም. ህይወታቸው እንዳለፈ ይነገራል::

(ምንጭ:- ታሪካዊ መዝገበ ሰብ)

Leave A Reply

Your email address will not be published.