Take a fresh look at your lifestyle.

የኢትዮጵያ ኦ/ተ/ቤ/ክርስቲያን በሶማሌ ክልል የተፈጸመውን ድርጊት አወገዘች

የኢትዮጵያ ኦርቶዶክስ ተዋህዶ ቤተ ክርስቲያን ሊቀ ጳጳስ ብጹዕ ወቅዱስ አቡነ ማትያስ በሶማሌ ክልል እየተፈጸመ ያለውን የሰዎች ግድያና የቤተክርስቲያን ቃጠሎ አስመልክተው በሰጡት መግለጫ  እጅግ  ማዘናቸውን ገልጸዋል።

ብፁዕነታቸው ሰባት አብያተ ክርስትያናት ሙሉ በሙሉ ተቃጥለው የካህናት ህይወት ማለፉንም ተናግረዋል።ከዚህ ባለፈም የሰላማዊ ሰዎች ህይዎት ማለፉንና በሺዎች የሚቆጠሩ ዜጎች መፈናቀላቸውን ጠቅሰው፤በሁኔታው የተሰማቸውን ሀዘን ገልጸዋል።

ለዘመናት አብረው በኖሩ ወንድማማች ህዝብ እየተፈጸመ ያለው ድርጊትም በአስቸኳይ እንዲቆም ጠይቀዋል።ቤተ ክርስቲያኒቱም  የተፈጠረው ችግር እንዲቆምና ሰላም እንዲሰፍን እንደ ወትሮው ሁሉ ድጋፏን ታደርጋለች ብለዋል።

ብጹዕ ወቅዱስ አቡነ ማትያስ ለፋና እንደገለጹት ለተቸገሩ ወገኖች ድጋፍ ለማድረግ እንደሚሰራ ጠቁመው፤ ህይዎታቸውን ላጡ ወገኖችም በሁሉም አድባራትና ገዳማት ፍትሃት ይደረጋልም ብለዋል።

ከዚህም በተጨማሪም ነገ የሚጀምረው የፍልሰታ ጾም በሁሉም አድባራትና ገዳማት በምህላ እንዲሁም በጸሎት እንደሚታሰብም ጠቁመዋል።

Leave A Reply

Your email address will not be published.