Take a fresh look at your lifestyle.

የአብዲ ኢሌ የጭቆና እጅ እስከ አዲስ አበባ!

የሶማሌ የጎሳ መሪዎች እና ሽማግሌዎች እንዲሁም የተጋበዙ እንግዶች በፍሬንድሺፕ ሆቴል ‘የሶማሌ ህዝብን እናድን’ በሚል መሪ ቃል ኮንፈረንስ አዘጋጅተው ነበር።

ኮንፈረንሱ በመካሄድ ላይ እያለ ከሶማሌ ክልል የመጡ የአብዲ ኢሌ ምስል የታተመበት ቲሸርት የለበሱ ወጣቶች ኮንፈረንሱ ላይ ገብተው የረበሹ ሲሆን – በተነሳው ግጭትም ሽማግሌዎችን ደብድበዋል። ከነዚህ ወጣቶችም ጋር አብረው ሁከት ሲፈጥሩ የነበሩ የምክር ቤት አባላትም ነበሩበት።

በአሁኑ ሰዓት ፌደራል ፖሊስ ወጣቶቹን ከሆቴሉ ውጪ ያስወጣ ቢሆንም ሊበተኑ ባለመቻላቸው ውጥረቱ እንዳለ ቀጥሏል። የኮንፈረንሱ ተሳታፊዎችም ከሆቴሉ መውጣት አልቻሉም። የፀጥታ ሀይሉ ጥበቃውን ካቆመ ከፍተኛ ግጭት ሊከሰት እንደሚችል ተሰግቷል።

ወጠቶቹ አሁንም ሀይለ ቃል ስድብ እና ዛቻ አዘል ንግግር እያሰሙ በሆቴሉ አካባቢ ክብ ክብ ሰርተው በነፃነት እየተንቀሳቀሱ ቢሆንም ፖሊስ ቆሞ ከማየት ውጪ ምንም አይነት እርምጃ አልወሰደም።

የጎሳ መሪዎችና ሽማግሌዎቹ ከአብዲ ኢሌ ሸሽተው አዲስ አበባ መኖር ከጀመሩ አንድ ዓመት በላይ የሆናቸው ሲሆን – የፌደራል መንግስት በክልሉ ጣልቃ በመግባት ህገ መንግስቱ እንዲያስከብር እና የሰብዓዊ መብት ጥሰቶችን እንዲያስቆም – ዘላቂ መፍትሔም እንዲሰጥ እየጠየቁ መቆየታቸው ይታወቃል።

ቦሌ ፍሬንድሺፕ

Leave A Reply

Your email address will not be published.