Take a fresh look at your lifestyle.

ቴዲ አፍሮ ከቡራዩ ለተፈናቀሉ ዜጎች የአንድ ሚሊዮን ብር ድጋፍ አደረገ፤ የቅዳሜውን ኮንሰርትም እንደሚሰርዝ ተነግሯል

አርቲስት ቴዎድሮስ ካሳሁን(ቴዲ አፍሮ) ከቡራዩና አከባቢው ተፈናቅለው በአዲስ አበባ በተለያዩ ትምህርት ቤቶች ተጠልለው ለሚገኙ ዜጎች የአንድ ሚሊዮን ብር እርዳታ ማድረጉ ተገልጸ።

አርቲስቱ በተለያየ ቦታ ተጠልለው የሚገኙ ተፈናቃዮችን ዛሬ ዛሬ ገብኝቷል።በደረሰው ነገርም እጅግ ማዘኑን ተናግሯል።

ቴዲ አፍሮ “በሀገራችን ርስ በርስ ተዋደን መኖር ሲገባን እንዲህ አይነት ድርጊት መፈፀሙ ሊኮነን ይገባል።ባላሰቡትና ባልገመቱት ሁኔታ በተፈጸመ ጥቃት ሕይወታቸውን ላጡት ነፍሳቸውን በአጸደ ገነት ያኑርልን።ቤተሰቦቻቸውንም ያጽናልን፤ እንዲህ ዓይነት ነገር ድጋሚ እንዳይከሰት ለፍቅር ተግተን መሥራት ይገባናል።” በማለት ለሪፖርተር ተናግሯል።

አርቲስት ቴዲ አፍሮ ባለፈው ሳምንት ወደ ሚቀጥለው ቅዳሜ ያሻገረውን የሙዚቃ ዝግጅት(ኮንሰርት) ባለው የፖለቲካ አለመረጋጋት ምክንያት ለመሰረዝ መወሰኑን መረጃዎች ጠቁመዋል።

ከ5 አመታት በኋላ በአዲስ አበባ ከተማ ሚሊኒየም አዳራሽ ሊያደርገው በነበረው የሙዚቃ ዝግጅት 20 ሺህ የመግቢያ ትኬቶች ለሽያጭ ቀርበው ተሸጠው ማለቃቸውን የኮንሰርቱ አዘጋጅ ኮሚቴው ገልፆ ነበር።

Leave A Reply

Your email address will not be published.