Take a fresh look at your lifestyle.

በአዲስ አበባ ከተማ ዙሪያ ባሉ ከተሞች በዜጎች ላይ ጥቃት እየተፈፀመ ነው ተባለ

በአዲስ አበባና ኦሮሚያ ክልል አዋሳኝ አከባቢዎች በዜጎች ላይ ከፍተኛ ጥቃት እየደረሰ መሆኑን የአይን እማኞች ገለጹ።በአዲስ አበባ ዙሪያ ቡራዩ፣ ከታ፣ አስኮ፣ አሸዋ ሜዳና ፊሊዶሮ አካባቢ ነዋሪዎች ላይ  ግድያ፣ዘረፋና አስገድዶ መድፈርን ጨምሮ ከፍተኛ ጥቃት እየተፈጸመባቸው መሆኑን የአይን እማኞች ለኢትዮ ጣና ተናግረዋል።

ጥቃት የሚያደርሱትም የተደራጁ ወጣቶች መሆናቸውን ጠቅሰው ዘርና ቋንቋን መሰረት ያደረገ ነው ብለዋል።ድርጊቱ ትናንት የጀመረ ቢሆንም ዛሬ ከሰዓት በሗላ ተባብሶ መቀጠሉም ታውቋል።አንድ በስልክ ያናገርነው ወጣት እንደተናገረው  የ70 ዓመት አባቱ በድብደባ ከፍተኛ ጉዳት አደርሶባቸው ለህክምና ሆስፒታል መውሰዱን ገልጿል።

የፌዴራል ፖሊስ ኮሚሽን ኮሚሽነር ጄኔራል ዘይኑ ጀማል በአዲስ አበባ ዙሪያ እየተካሄደ ስላለው  አለመረጋጋት ማብራሪያ የሰጡ ሲሆን ቄሮ ያልሆኑ ግን በቄሮ ስም የሚነግዱ ግለሰቦች የዝርፍያና ህይወት የማጥፋት እንቅስቃሴ መኖሩን ጠቅሰው፤የኦሮሚያ ፖሊስ፣ፌዴራል ፖሊስና መከላከያ ሰራዊት በቦታው ተገኝተው ድርጊቱን የመቆጣጠርና ግለሰቦቹን በቁጥጥር ስር የማዋል ስራ እየተሰራ ነው ብለዋል።

Leave A Reply

Your email address will not be published.