Take a fresh look at your lifestyle.

በሚቀጥለው ቅዳሜ ለጠቅላይ ሚኒስትሩ የድጋፍ ሰልፍ እንደሚደረግ ተገለጸ

ጠቅላይ ሚኒስትር አብይ አህመድ እየወሰዷቸው ላሉ የለውጥ እርምጃዎች ምስጋናና ድጋፍ ለማቅረብ በሚቀጥለው ቅዳሜ በአዲስ አበባ ከተማ የድጋፍ ሰልፍ እንደሚካሄድ አስተባባሪዎቹ መግለጫ ሰጡ።የሰልፉ አስተባባሪዎች ዛሬ ጠዋት በኢሌሌ ሆቴል በሰጡት መግለጫ ቅዳሜ በመስቀል አደባባይ የድጋፍ ሰልፉን ለማካሄድ ከፍተኛ ዝግጅት እየተደረገ ነው ብለዋል።

አስተባባሪዎቹ እንዳሉት የተጀመሩት የለውጥ እርምጃዎች ያለምንም መስተጓጎል እንዲቀጥሉም ጠይቀዋል።በሰልፉ ቀንም ኢትዮጵያዊነት ከፍ ብሎ እንደሚውል ገልጸዋል።በመጪው ቅዳሜ በአዲስ አበባ ይካሄዳል የተባለው የድጋፍ ሰልፍ ተከትሎ በተለያዩ የክልል ከተሞችም ተመሳሳይ ሰልፎች ይካሄዳሉ ተብሎ ይጠበቃል፡፡

ለቅዳሜው ሰልፍ ፈቃድ ተጠይቆ ምላሹን እየተጠባበቁ መሆኑን አስተባባሪዎቹ ጠቁመዋል።ከአስተባባሪዎቹ መካከል መምህር ስዩም ተሾመና አክቲቪስት ስንታየሁ ቸኮል ይገኙበታል።

በአዲስ አበባ ከተማ ባለፉት ሦስት ዓመታት ወዲህ የተቃውሞም ሆነ የድጋፍ ተካሂዶ አያውቅም።

 

Leave A Reply

Your email address will not be published.