Take a fresh look at your lifestyle.

በመስቀል አደባባይ የቦምብ ፍንዳታ ተሳትፈዋል በተባሉ ተጠርጣሪዎች ላይ ክስ ሊመሰረት ነው ተባለ

ሰኔ 16 ቀን 2010 ዓ.ም. የጠቅላይ ሚኒስትር ዓብይ አህመድ (ዶ/ር) የሥራ እንቅስቃሴዎችን ለመደገፍ በወጡ ሠልፈኞች ላይ በደረሰው የቦምብ ጥቃት ተጠርጥረው በቁጥጥር ሥር የዋሉ ግለሰቦች ላይ እየተካሄደ የነበረው ምርመራ መጠናቀቁን፣ የፌዴራል ፖሊስ የወንጀል ምርመራ ቡድን ለፌዴራል የመጀመርያ ደረጃ ፍርድ ቤት አንደኛ ወንጀል ችሎት አስታወቀ፡፡

ዓርብ ሐምሌ 27 ቀን 2010 ዓ.ም. የወንጀል ምርመራ ቡድኑ እንዳስታወቀው ምርመራውን አጠናቅቆ መዝገቡን ለጠቅላይ ዓቃቤ ሕግ ሰጥቷል፡፡ጠቅላይ ዓቃቤ ሕግም መዝገቡን መቀበሉን ለፍርድ ቤት አረጋግጦ፣ ‹‹በጣም ሰፊና ውስብስብ በመሆኑ በሕጉ መሠረት የ15 ቀናት የክስ መመሥረቻ ጊዜ እንዲሰጠን፤›› ብሎ በመጠየቁ ተፈቅዶለታል፡፡

ተጠርጣሪዎች ጨለማ ቤት ውሰጥ ተቆልፎብናል፣ ህገመንግስታዊ መብታችንም ተጥሷል በሚል ለፍርድ ቤቱ አቤቱታ ማቅረባቸውን የኢትዮጵያ ቴሌቪዥን ዘግቧል፡

መርማሪ ቡድኑ  በበኩሉ የአያያዝ ችግር እንደሌለና ይህንንም በቪዲዮ አስደግፎ ለፍርድቤቱ ማቅረብ እንደሚችል ገልጿል።ፍርድ ቤቱ ከፈለገም ገለልተኛ አጣሪ ቡድን በመመደብ ሊያጣራ እንደሚችልም አስታውቋል።

ችሎቱ ተጠርጣሪዎች ከአያያዝ ጋር በደል እንዳይደርስባቸው፣ ክትትል እንዲደረግላቸውና በቀጣዩ የቀጠሮ ቀን ነሐሴ 12፣ 2010 በአዲስ አበባ ፖሊስ ኮሚሽን የተጠርጣሪዎች ማረፊያ የስራ ኃላፊ ቀርበው ስለ አያያዛቸው ማብራሪያ እንዲሰጡም አዟል።

Leave A Reply

Your email address will not be published.