Take a fresh look at your lifestyle.

ሲቪል አቭዬሽን ስራ እናቆማለን ያሉ ሰራተኞቹን አስጠነቀቀ

የኢትዮጵያ ሲቪል አቪየሽን ባለሥልጣን በመጪው ሰኞ የስራ ማቆም አድማ ለማድረግ የወጠኑ ሰራተኞቹን አስጠነቀቀ። የኢትዮጵያ አየር ትራፊክ ተቆጣጣሪዎች ማኅበር አባላቱ “በተደጋጋሚ ላነሷቸው የሙያ ዕውቅና፣ የደሞዝና ጥቅማ ጥቅም ጥያቄዎች ተገቢ የሆነ ምላሽ ባለማግኘታቸው” ነሐሴ 21 ጠዋት ከአንድ ሰዓት ጀምሮ በረራዎችን የማያስተናግዱ መሆኑን ገልጿል። የኢትዮጵያ ሲቪል አቭዬሽን ባለስልጣን የስራ ማቆም አድማ ለማድረግ የወሰኑ የአየር ትራፊክ ተቆጣጣሪዎችን አስጠነቀቀ። በቀጣይ ቀናት በምድብ ስራቸው ላይ የማይገኙ ሰራተኞችን የስራ ውል ለማቋረጥም ዝቷል።

ባለስልጣን መስሪያ ቤቱ ይህን ያስታወቀው በዋና ዳይሬክተሩ ኮሎኔል ወሰንየለህ ሁነኛው ፊርማ ትላንት ባወጣው “ጥብቅ ማስታወቂያ” ላይ ነው። ማስታወቂያው የተወሰኑ የአየር ትራፊክ ተቆጣጣሪዎች ከነገ በስቲያ ሰኞ ጀምሮ ስራ ለማቆም መወሰናቸውን በደብዳቤ ለመስሪያ ቤቱ መግለጻቸውን አረጋግጧል። በአየር ትራፊክ ተቆጣጣሪዎች ማህበር አማካኝነት ትላንት ለመስሪያ ቤቱ የቀረበው ደብዳቤ አባላቱ “በተደጋጋሚ ላነሷቸው የሙያ ዕውቅና፣ የደሞዝና ጥቅማ ጥቅም ጥያቄዎች ተገቢ የሆነ ምላሽ ባለማግኘታቸው” ከነሐሴ 21 ጠዋት አንድ ሰዓት ጀምሮ በረራዎችን የማያስተናግዱ መሆኑን ይገልጻል። ሆኖም የስራ ማቆም እርምጃው የ“ወታደራዊ፣ የቪአይፒ (VIP)  እና የአምቡላንስ በረራዎችን” እንደማያካትት ማህበሩ አስታውቆ ነበር።

ጉዳዩ መፍትሄ እንዲሰጠው ለሚመለከታቸው አካላት ሲያሳስብ መቆየቱን በደብዳቤው የጠቆመው ማህበሩ “ጉዳዩ የተያዘበት መንገድ የባለሙያዎችን ጥያቄዎች ለመፍታት አመርቂ ባለመሆኑ አሁን ያለበት ደረጃ ደርሷል” ብሏል። የሲቪል አቭዬሽን ባለስልጣን በምላሹ ባለሙያዎቹ ያቀረቧቸውን ጥያቄዎች ለመፍታት መስሪያ ቤቱ ከሚመለከተው የበላይ አካል አጋር በመሆን እየሰራ ባለበት የማስጠንቀቂያ ደብዳቤው እንደደረሰው ገልጿል። ባለስልጣኑ ከዛሬ ጠዋት ጀምሮ በመስሪያ ቤቱ ቀርበው አዲስ ድልድላቸውን የማይቀበሉ ሰራተኞችን  የስራ ውል ያለተጨማሪ ማስታወቂያ እና ውይይት እንደሚያቋርጥ አስጠንቅቋል። እርምጃውን የሚወስደውም “ባለበት ከባድ ኃላፊነት ተገዶ” መሆኑንም አስታውቋል። “ለጥያቄያዎቻችን ምላሽ አላገኘንም” ያሉ የአየር ትራፊክ ተቆጣጣሪዎች ባለፈው ሚያዝያ ወር ለሰዓታት ስራ በማቆማቸው በቦሌ አየር ማረፊያ በረራ ተስተጎሎ እንደነበር ይታወሳል።

(ምንጭ፦ዶቸ ቨሌ)

 

Leave A Reply

Your email address will not be published.